شعرك حالته هتتصلح اذا دخلتى

السلام عليكم ورحمة الله وبركاته



صباح الفل والياسمين اللى مخلط فى شربات الورد على عيونكم ياأحلى اعضاء
خلصنا دلع نيجى للجد بقى.....

كالعادة هارغى واحكيلكو تجربتى...........

انا واختى كان شعرنا تقريبن زى بعض طوله عاتى جدن وهايش على طووووول الخط

**اختى المضروبة سمعت ان لما تجيبى الماسورة بتاعت الحيوان (الداموسة يعنى) وتفضى اللى فيها فى الطاسة وتسيحيه وبعد اما تغسلى شعرك تحطيه فورا عليه وتكبسيه بقى فى كيس بلاستيك لمدة مش أقل من 12 ساعة وبعدين تغسلى شعرك كويس بالشامبو وتداومى على كدا قال ايه شعرك كل حالته بتتصلح بيتقل وينعم ويطول وطبعن انا اول ماشوفتها جربت كدا وكنا بنام فى نفس الاوضة ماعملتش حاجة غير انى طردتها برةبسسسسسسسسسسس
تقريبن كنا لسة فى ثانوى ساعتها

المهم ......فعلن البنت ماعملتش كدا غير كام مرة وبقدرة قادر قلبت على ؟؟؟؟؟؟؟؟؟
.
.
.
.
.
.
..
.
......

شريهان ......... اه والله شعرها بقى شبه شعر شريهان بالظبط فى طولة وتقلة ونعومته وممكن انعم منه كمان
ماكنتش بردو مقتنعة قلت بلا قرف احط دهن على شعرى ويكون ريحتى لحمة يع
.
.
.
.
.
انا بجد فروة شعرى حساسة ومش ناقصة عك


من كام شهر بقى بجد عملت كل حاجة وروحت لدكااااترة كتير عشان فعلن انا طول عمرى عافاكم الله فروة شعرى حساسة اوى وكلها مليانة حبوب وبتبقى لو ماهتمتش بيها مكمكمة وتقرف وجربت كل الكريمات والشامبوهات والمراهم

وأخييررررررا
.
.
.
.
ربنا هدانى وقلت اجرب الماسورة دى والله يابنات وبجد شعرى ماشاء الله فروة راسى بقت بيييييضة ومافيش فيها حباية واحدة ماشاء الله وطول وبقى ناعم اوى وعشان كدا قلت أفيدكم ودى بقى الطريقة بالظبط

*****
بجيب الماسورة من عند الجزار لو كنت جايبة لحمة بيديهالى كدا ببلاش مع اللحمة ولو لا بيبعهالى تقريبن ب 3ج
بفضى اللى فيها فى طاسة فاضية لحد ماتتحول لزيت وبغسل شعرى بشامبو ومية سخنة وبعدين لما الزيت يهدى شوية ويبقى دافى كدا احطة فى كل فروة شعرى اغرق شعرى من الاخر وبعدين اكبس شعرى بكيس بلاستيك وايشارب وافضلى كدا لمدة 12 ساعة وبعديها اغسلى شعرك كويس بشامبو حوالى خمس مرات تقريبن لحد ماينضف تماما بمية سخنة بردو وبعدين ياستى حطى زيت واقلبيه كحكة لقدام ونامى بيها بجد والله شعرك هايبقى شكل تانى..... وعلى فكرة ريحتها مش نفاذة ولاحاجة زى ماكنت فاكرة....


علميا بقى اللى جوا الماسورة دا هو النخاع اللى بيستخلص منه الزيوت اللى بتقوى الشعر من جذوره.

انا كدا خلصت رغى ....... وكالعادة بالله عليكو ادعولى انا وخطيبى ان ربنا يتم جوازنا على خييييير ويعجل جوازنا ويقينا شر العين والحسد والسحر اللهم آمين.

مرسي يا قمررررررررررررررررر علي الموضوع بيجنن

موضوووووووعك بيجنن مشكوووووووووووووووووراااااااااا حبيبتييييييييييييييييي